الجزء الاول (شعر أحمد فؤاد نجم)

[ندعوك للتسجيل في المنتدى أو التعريف بنفسك لمعاينة هذه الصورة]


الجــــــــــــــــــــــــــزء الاول

من أشعــــــار (عم أحمد)

[ندعوك للتسجيل في المنتدى أو التعريف بنفسك لمعاينة هذه الصورة]
تاجر

تاجر نزل سوق
شاف غزاله
مع الدلال
قرب يدوق العسل
نهر الدموع شلال
شرب عديم التنا
من دمعنا المسفوح
زاد فى السعار والغنا
من خسه الدلال
اخص
اخص
اخص .. على كده
[ندعوك للتسجيل في المنتدى أو التعريف بنفسك لمعاينة هذه الصورة]

حرب الشعب

ماتقولليش
ماتعدليش
حرب الشعب وغيرها مافيش
حاس يامصاروه
حاس ياولاد
حاس يامداين
حاس يابلاد
حسنا ياناسنا وداسنا الغول
عض بلدنا
عرض وطول
ماتقولليش الجيش مسؤل
جيش من غير شعب
مايمشيش
[ندعوك للتسجيل في المنتدى أو التعريف بنفسك لمعاينة هذه الصورة]
الشيخ عاشور

سلام مربع يا بلد
للشيخ عاشور
قلب الاسد
سلام يا واد
على دا ودا
لو دسته منه
فى البلد
ما كانش كان
كل اللي كان
ولا كان دا حالك يا بلد
مدد يا شيخ عاشور
مدد
مدد يا شيخ عاشور مدد
[ندعوك للتسجيل في المنتدى أو التعريف بنفسك لمعاينة هذه الصورة]
يا خالقنا وعالم بلاوينا

يا رازقنا
وحاسب خطاوينا
نسأل فضلك
من إحسانك
يظهر عدلك
وبسلطانك
يطلع فلاح من وسطينا
يزعط أفندينا
وحرامينا
دعوة
[ندعوك للتسجيل في المنتدى أو التعريف بنفسك لمعاينة هذه الصورة]
يا مصر

فلاحينك هما هما
فلاحين رمسيس وخوفو
جيش
لا عيش ولا زمزميه
فى الهجيره تبل جوفه
المرض للموت يجرة
وهو ماشي
يجر خوفه
أعمي
سالك سكه عتمه
خطوته
على قد شوفه
[ندعوك للتسجيل في المنتدى أو التعريف بنفسك لمعاينة هذه الصورة]
أخر الكلام

وآه يا خي اه
ياخي
كنا نملا الدنيا ضي
بس اه
لو كنا زي
الف اه
واه يا خيكنا جبنا الشمس
من برج الاسد
واديناها للعيال
غزل البنات
يطبعوها ع الهدوم
والكراسات
يشبكوها
ورد شعور البنات
ينظموها
عقد من شر الحسد
يضوي نوره
لما يضوي
كل حاره وكل حي
بس اه لو كنا زي
الف اه
واه ياخي
كنا المظلوم اذا هاجم
جري
كنا لو كان السلاح فى يدنا
والمعارضه
يد واحده عندنا
دسنا شاهنا
وامريكانه بنعلنا
وابتدينا الثوره
من اوسع طريق
كان تمنتاشر يناير
ف الشوارع لسه حي
بس اه
لو كنا زي
الف اه
واه ياخي
[ندعوك للتسجيل في المنتدى أو التعريف بنفسك لمعاينة هذه الصورة]
الخط دا خطي

الخط دا خطي
والكلمة دي
ليا
غطى الورق غطي
بالدمع يا عنية
شط الزتون شطي
والارض عربية
نسايمها انفاسي
وترابها من ناسي
وان رحت انا ناسي
ما تنسانيش هى
والخط دا خطي
والكلمة دى ليا
لاكتب على عينى
يحرم عليكى النوم
واحبس ضيا عينى
بدموعى طول اليوم
قبل الوفا بديني
زي الصلا والصوم
والدين فى عرف الحر
هم ومذلة ومر
وشجون تصون وتجر
احزان مخبية
والخط دى خطي
والكلمة دى ليا
لاكتب على كفي
والحبر من دمي
ياهمتي كفي
يا عزوتى ضمي
اول ما ح نوفي
بالوعد
ح نسمي
باسم اللى ماتوا صغار
فى المدرسه والدار
والمصنع اللي انهار
فوق الصنا يعية
والخط دا خطي
والكلمة دى ليا
[ندعوك للتسجيل في المنتدى أو التعريف بنفسك لمعاينة هذه الصورة]
بلح ابريم

يابلح ابريم يا سمارة
سواك الهوي ف العالي
هويت
على طمى النيل ياسمارة
وشربت عكار
لما استكفيت
بس احلويت قوي يا سمارة
لما اسمريت قوي ياسمارة
لفيت الشارع و الحارة
على زى نقاوتك فين
ما لقيت
يا حلاوة بنار
يا حلاوة بنار الشمس النور
يا سمارة وعمار الصحرا البور
شباك الهوى
داير ما يدور
اتاريك دبت وطبيت
بس اغلويت قوي ياسمارة
لما اتدليت قوى ياسمارة
ونزلت الشارع الحارة
سوقك
لا رخصت ولا اتذليت
يا بلح ابريم
ياسمارة
حصنت بعقدك صدر الناس
من شر النخاس الخناس
يابو قلب لا سوسه
ولا سواس
ورقيتك يا اسمر
واسترايت
الضم حبابيك بقي ياسمارة
وافتح شبابيبك لقا يا سماره
على جو الشارع
والحاره
تحلو زيادة
وتملا البيت
يا بلح ابريم يا سماره
[ندعوك للتسجيل في المنتدى أو التعريف بنفسك لمعاينة هذه الصورة]
الحمد لله خبطنا

تحت بطاطنا
يا محلا رجعه ظباطنا
من خط النار
يا اهل مصر المحميه
بالحراميه
الفول كتير والطعميه
والبر عمار
والعيشه معدن واهي ماشيه
اخر اشيا
مادام جنابه والحاشيه
بكروش وكتار
ح تقول لى سينا وما سينا شي
ما تدوشناشي
ما ستميت اوتوبيس ماشى
شاحنين انفار
ايه يعني لما يموت مليون
او كل الكون
العمر اصلا مش مضمون
والناس اعمار
الحمدلله وأهي
ظاطت
والبيه حاطط
في كل حته
مدير ظابط
وإن شالله
حمار
ايه يعني فى العقبه جرينا
ولا ف سينا
هى الهزيمه تنسينا
اننا احرار
ايه يعني شعب ف ليل ذلة
ضايع كله
دا كفاية بس اما تقول له
احنا الثوار
الحمد الله ولا حولا
مصر الدوله
غرقانة فى الكدب علاوله
والشعب احتار
وكفايه اسيادنا البعدا
عايشين سعدا
بفضل ناس تملا المعده
وتقول اشعار
اشعار تمجد وتماين
حتى الخاين
وان شا الله يخربها مداين
عبد الجبار

[ندعوك للتسجيل في المنتدى أو التعريف بنفسك لمعاينة هذه الصورة]انتظروا الجزء الثانى من أشعار (عم أحمد)