الفراشة العاشقة عــــمـــــده المــصــروايــة
عدد المشاركات : 160 العمر : 39 تاريخ التسجيل : 06/11/2008 العمل : تصفح النت نقاط : 116 التقييم : 4
| موضوع: الجزء التانى (اشعار احمد فؤاد نجم) الجمعة أبريل 03, 2009 4:20 am | |
| [ندعوك للتسجيل في المنتدى أو التعريف بنفسك لمعاينة هذه الصورة]
استغمايه
غمي عيونك سد ودانك إفتح بقك قول انا فين الشاطر فيكو يحزر فزر في دقيقتين والإشطر منه اللي يحزرها في غمضة عين والإشطر خالص ما يحزرش يقول انا فين والإشطر أشطر اللي يبص يشوف بالعين انا فين ؟ فيه ناس اختلف في الموضوع وحكاوي اتقالت عن مواضيع والناس لا مؤاخذة في زمن الجوع يتعشوا كلام يفطروا تشنيع ! فيه واحد شافني بلبده ولاسه في باب اللوق والتاني لمحني بقفصين موز علي باب السوق والتالت شافني في كاديلاك راكب مع بنتين والرابع شافني ف طنطا بابيع بلابيع ونشوق ! وصحافه الصاوي والورداوي والجمال وأباظه ولاظه وباقي الدلاديل والأندال بتأكد جدا جدا جدا بالتدقيق إن انا محبوس وباروح يوميا
[ندعوك للتسجيل في المنتدى أو التعريف بنفسك لمعاينة هذه الصورة] الإضراب
باسم الإله الشعب رب المضربين الصايم المحروم على مر السنين يا منشدين الحي حيوا حينا واحنا هنا ع العهد دايما مخلصين محلا القصايد في الشدايد .. والغنا محلا الكلام الحب أوقات الشقا احنا اللي تهنا ع الطريق من بغضنا متفرقين والسجن هوا الملتقي ! آه يا رفاقه من متاهات الطريق لما الليالي بيتخنق فيها القمر يمشي الصديق في الضلمه يخبط في الصديق والسكه بنت الخطوتين تاخد سنه !
إحنا النهارده فين وكام وبكره كام وبعده فين ؟ في كل يوم بنزور مكان وكل يوم بنزيد عدد وكل يوم نفتح بيبان وكل يوم بنزيل سدد وكل يوم يطلع بنا وكل يوم ينزل هدد وكل يوم نحبل غنا وكل يوم نولد مدد احنا كده لازم نكون جوا السجون برا [ندعوك للتسجيل في المنتدى أو التعريف بنفسك لمعاينة هذه الصورة] بابلو نيرودا
شيلي البارود حطي الوعود والتعليلات في المهملات سفحوا الورود من ع الخدود والخضره من قلب البنات فين الأمان جنب الغيلان يا ملفقين عصر التبات ؟ لا الجرح بات ولا إتنسي ولا التاريخ والذكريات سيدنا الحسين اسبارتاكوس الليندي لوركا عب رحيم فلاح بلدنا اللي انشوى قبل القيامه في جحيم سينا الطعينه المزمنه ارنستو جيفارا العظيم خميس وبقري والشفيع أدهم ومواله القديم قطب الرجال اللي ابتلي لما تلا الذكر الحكيم عقد العقيق اللي اتبدر من عهد سقراط الحكيم زاد النهارده وانتظم بالدره والفص اليتيم نيرودا زمار الصباح نيرودا مزمار النسيم صابحه الصبيه [ندعوك للتسجيل في المنتدى أو التعريف بنفسك لمعاينة هذه الصورة] عطشان .. يا صبايا
عطشان يا صبايا وانا عاشق .. ع السبيل عطشان والميه ف بلدي على عكس ما يجري النيل والنخل العالي مطاطي والجذع الواطي ذليل والريح العاكس كابس والريح العاطي بخيل والنسمه اتعكر لونها من هم الناس يا خليل عطشان والنيل في بلدي والزرع اخضر وجميل وانا كنت امبارح خالي واليوم دا صبحت عليل عطشان ودوايا حبيبي يسقيني العشق دليل ودليل الحب .. عمايل وكلام الحب جميل وانا كل ما أقول التوبه تغويني .. المواويل تطرح في القلب جناين تفقس فيها الزغاليل عشاق يا حمام الغيه ولا فيش قدامنا بديل سكه ومحسوبه علينا نمشيها جيل ورا جيل ع الشوك نفرد خطاوينا في الليل تضوي القناديل حوالينا قلوب حبابه ومعانا العقل دليل والشمس تصب صبابه والمنبع نهر النيل وان لاموا علينا يلوموا [ندعوك للتسجيل في المنتدى أو التعريف بنفسك لمعاينة هذه الصورة] الشاعر الأكره
أنا الأديب لما أتكلم ما باخليشى لأني جاهل وفاجومي ومخ مفيشي وأي تغيير في حياتي ميتعبنيشي وأنا اللي قولي على نويى مش من بره وأبدأ كلامي عن الأشعار واللي زانوها بيرم وخيرى وكل الناس اللي صانوها أما الكلاب عند الجواسيس واللي خانوها فدول كلاب وما مبنذكروش هنا بالمره الله الله يابدوي هنا بالمره *** ياعم بيرم وحياتك واللي أماتك وخلا الناس مآبين عايشيين على مقالاتك وواد مباحث يتطاول على مقاماتك لاجعل الشعرا الأندال مسخه وعبره الله الله يابدوى هنا بالمرة *** فى كل مولد ياشويعر لفلفت حزام ورقصت تبع المزيكة وكنست مقام وصاحبت كل الألاتية ومشيت خدام لكل عالمة وشبشبها حسب الأجرة *** حرباية يابن الحرامية مية المية على كل لون جاهز تركب ع التسقية أما انت مالح ومزبط وابن غبية وحصانك اللي راهنت عليه يخسر بكره [ندعوك للتسجيل في المنتدى أو التعريف بنفسك لمعاينة هذه الصورة] فات الهوى سلم علي
بات السهر ساكن عنيه عاد الهوى بين يوم وليله وإحنا سوا يا نور عنيه فات الهوى آه يا أسمراني لحظه ما فات لحظك ناداني عاد الهوى قام التقاني زى الهوى قلبي ف إيديا فات الهوى يا واد يا خمري سلم وأنا سلمت أمري عاد الهوى بالشوق يا عمري يملا السهر والنوم عليّ فات الهوى آه يابن عمي زى الهوا شعلل فى دمي وأما شكيت الوجد لآمي ضحكت وباستني ف عنيه [ندعوك للتسجيل في المنتدى أو التعريف بنفسك لمعاينة هذه الصورة] هو شي منه
يادي العجب يا رجب يا مرتب الحكايات إسمع وشوف وإندهش وأكتبها فى الكتبات عسى الكلام ينقري لو قلبوا الصفحات خلي الشعوب والدول تتعلم البطولات الحزن طول عمرنا له من حياتنا حياه نقضيها فى النهنهه ونضيع إلآوقات نبكي على اللي مضى ونعيش مع اللي فات [ندعوك للتسجيل في المنتدى أو التعريف بنفسك لمعاينة هذه الصورة] شجرة لو
يا اماني يا شجره ف بستاني بتفرع يا ما وتعلو وبيستناها الفكهاني ولا تطرح غيركلمه لو لوأغمض وافتح تانى الاقينى طاير فى الجو والشمس عروسه مقابلانى بالطرحه الدهبي وبالضو لاخطف طرحتها وفرحتها وانزل فى اللحظه وفى التو ابدر انورها واشواقي ع الارض تنور تحلو والمس بالكف المتحني ع الزرع يبشر ويمني والحب يرعرع ويغني والعمر يهني ويغلو ويقوموا الناس فى الفجريه والصبح بيضحك هأ او والليل بعيونه الحراميه بيعيط خايف م العو وامانى كتيره مشاغلانى ممكن تتحقق يوم او على راي صاحبنا البستانى لو تطرح يوم شجره لو [ندعوك للتسجيل في المنتدى أو التعريف بنفسك لمعاينة هذه الصورة] أول كلام
كلامنا عن ايران ما لوش طبعا مكان فى اعلام الخيانه وصوت الامريكان لان الامن شايف بان الأخ خايف ليلزق على الشفايف ويلبس فى الودان كلام عن الخيانه ومن عالم جعانه فتظهر الادانه على الشاه اللى خان ادانه يعنى ثوره ما تقبلش المناوره وفضح وكشف عوره واخر بهدلان فليه الامن يرضى يبحبح للمعارضه دى عالم يابا مرضى واغلبهم جعان وهكذا الطريقه طناش على الحقيقه فتبقى الناس غريقه وتسمع شقلبان لهذا او لذلك حنمشى فى المسالك ونطلع م الزمالك نخش الترجمان وكلمتنا نقولوها حليب من بز أبوها فناسنا يسمعوها فيحصل بغبغان فهات ودنك يا خلي اقولك وانت قوللي وسيبك م اللي واللي ونحكى عن ايران [ندعوك للتسجيل في المنتدى أو التعريف بنفسك لمعاينة هذه الصورة] اختى واخوك
لجل ما تهدا وتارك يهدا فرغ نارك ف اللى خانوك يابن الشعب يا حامي الشعب انت املنا فى يوم الصعب اصحى يا جندى ودق الكعب حرر مصر وطهر مصر اصحى وكوني وعيشي يا مصر [ندعوك للتسجيل في المنتدى أو التعريف بنفسك لمعاينة هذه الصورة]
اتمنى ان ينال اعجابكم ولكن هناك المزيد من اشعار أحمد فؤاد نجم انتظرونا فى الجزء التالث | |
|
بندق أفندي مـــصـــرواى أصـــيـــل
عدد المشاركات : 174 العمر : 39 تاريخ التسجيل : 04/01/2009 العمل : فني تصميم ازياء\ القرأه نقاط : 98 التقييم : 7
| موضوع: رد: الجزء التانى (اشعار احمد فؤاد نجم) الجمعة أبريل 03, 2009 6:44 pm | |
| اخيراااااااااا حنيتي علينا بالجزء التاني مشكوره لمجهودك العظيم ويارب ديما في تقدم
| |
|
سنحيا بالقران شــيــخ المــصـروايـة
عدد المشاركات : 429 العمر : 36 تاريخ التسجيل : 15/03/2009 العمل : ايروبكس نقاط : 818 التقييم : 5
| موضوع: رد: الجزء التانى (اشعار احمد فؤاد نجم) الجمعة مايو 01, 2009 5:10 pm | |
| | |
|
القناص المصرى كــبــيــر غــفـر الـمـصـروايـة
عدد المشاركات : 97 العمر : 39 تاريخ التسجيل : 03/12/2008 نقاط : 61 التقييم : 2
| موضوع: رد: الجزء التانى (اشعار احمد فؤاد نجم) الأحد مايو 03, 2009 10:04 am | |
| بصراحه انا ليا كلمه فى نفسى وعاوز اقولها انا بجد بكره الشاعر ده كره غير طبيعى وهوه اصلا مش شاعر هوه انسان ماله لازمه فى الحياه كل يوم يسب ويقول المحرومين والشعب واللى حصل فيه ومش عارف ان كلامه ده بيوصل لجميع الدول العربيه وبشوه صورتنا قدامهم فى الوقت اللى هما على طول اى مشكله بينهم ما احد بيعرف عنها حاجه لكن ده شغله الشاغل الحكومه والسب فى الحكومه وانا من راييى حتى لو الحكومه بينها وبين الشعب مشاكل مينفعش الكلام اللى هوه بيعمله ده افتحوا اليو تيوب وشوفوا فضايحه وافتحوا القنوات العربيه وهما مستضيفينه بشتم ويسب هما طبعا مبسوطين واحد مصرى بيشتم فى حكومته ياسلام ماشاء الله عليه ربنا ياخده ويريحنا منه المهم انا اسف على كلامى جدا وانتى فعلاً انسانه مميزه بس انا غصب عنى لأنى ما بحب الإنسان ده | |
|
الفراشة العاشقة عــــمـــــده المــصــروايــة
عدد المشاركات : 160 العمر : 39 تاريخ التسجيل : 06/11/2008 العمل : تصفح النت نقاط : 116 التقييم : 4
| موضوع: رد: الجزء التانى (اشعار احمد فؤاد نجم) الأحد مايو 03, 2009 11:40 pm | |
| انت بتحسسنى يامحمد انك بتتكلم عن راجل ومراتوا
يابنى كل بلد وليها سلبيتها وكمان ليها ايجابيتها ولو مكنتش بلدك فيها سلبيات مش تزعل منى مكنش زمانك متغرب
دلوقتى ليه دايما الى يقول كلمه الحق نكرهوا ده شاعر عظيم حاسس بالناس والغلب الى هما فيه
حتحس بده لما تنزل من السفر وتيجى عشان تشتغل هنا وتستقر ومش تلاقى شغل
هتعرف ان الراجل ده عندوا حق وبعدين ياعم محمد متكسفش قوى كده من عيوب بلدك والفضايح زى ما بتقول
البلاد العربيه التانيه فيها الى مكفيها والناس كلها عرفه مفيش حاجه بتستخبا
كلوا على عينك ياتاجرمعلش على الاطاله
| |
|