عارفين الشعور ده ؟؟ عارفين لما تفتكر حاجة كده تحس انها بتشدك لذكريات
انت مش عارف ايه الذكريات دى بتشدك لحاجة كده انت مش عارفها
وممكن تدخلك فى شعور كده غريب ، حزن مع الم مع فرحة
الشعور ده عارفينه 
عارفين لما تسمع اغنية كده تلاقى نفسك بتبتسم من غير سبب
بس جواك حزين اوى وتلاقى شعور بدأ يدخل جواك انت مش فاهمه
وتحاول تفهم ايه ده وفى الاخر متفهمش
طيب عارفين لما تروح تقف على البحر وتاخد نفس عميق وكبير اوى
بعديها تلاقى نفسك بتبتسم بس جواك حاجة مش قادرة تخرج
حاجة يمكن بتقطعك من جوه ومش عارف تتخلص منها
عارفين الشعور ده
طيب عارفين لما تبقى لسه صاحى من النوم واليوم لسه مبداش
وتلاقى نفسك على السرير لسه و غصب عنك تنزل دمعة
وممكن تفضل ساعين تعيط على المخدة
الخدة اللى تعبت مننا كل يوم ، وكل يوم بتحس بينا قبل ما ننام
وتقوم من على السرير ومحدش يعرف حاجة
عارفين الشعور ده عارفين لما تكونوا اصحاب متجمعين فى يوم كده وكلكوا فرحلنين وبتضحكو
واللى يشوفكوا من بعيد يقول الناس دى رايقة وحياتها تمام اوى
ومحدش هيقدر اصلا انه يفهم ولا يحس اللى جواكوا
طيب عارفين لما تحس انك عايز مساعدة من اى حد اى انسان ...... اى مخلوق
حاسس انك بتغرق .. بتغرق فى ايه مش عارف
بس انت محتاج مساعدة ... محتاج حد ينجدك
مش عارف هتطلبها من مين وحتى لو طلبت مساعدة
هتتقوله ايه ... عايزك تساعدنى وخلاص
هيرد ويقولك اساعدك فى ايه ... تقوله حاسس انى بغرق الحقنى
هيقولك بتغرق فى ايه .... ما انت واقف قدامى اهو ...
انت محتاج مساعدة بس مساعدة فى ايه انت مش عارف ....
وتفضل تغرق و مش لاقى مساعدة
طيب عارفين لما تكون عايز تسمع كلمة معينة من شخص معين
كلمة ممكن تكون من حرفين بس
مش صعب عليه يقولها ... وتلاقيه ولا بيتكلم .....
تحس انه تمثال ما تتكلم بقى ... طيب ما هو انا شايفاك
بتقولها مليون مرة شايفها فى عينيك حاسسها اوى .... عايز تسمعها بقى
قول ... اتكلم ولما يتكلم تحس انه بيشفق عليك
طيب لما انت كده ... بتحسسنى بيها ليه من الاول اصلا
بتعيشنى فى الشعور ده ليه من الاول ... ولو للحظات لما دى مش حقيقة
طيب عارفين لما تبقى عايز تسمع صوت حد معين اوى .... واحشك اوى
عايز تسمع صوته ... تطمن عليه .... وتفضل مستنى ... ومستنى وفى الاخر ميتصلش
لا وبعدين يتصل حد تانى .... تقول اخيرا هو وترد بلهفة وتسمع صوت حد تانى ....
مش ده اللى كنت مستنيه
والشعور اللى بتحسه ده كلو مش بيتوصف بكلمات اصلا
يبيقى عميق اوى ..... يبيقى جاى من جواك
ومش عارف اصلا هو اتولد ازاى جواك
[ندعوك للتسجيل في المنتدى أو التعريف بنفسك لمعاينة هذه الصورة] يلا شارك برأيك فى الموضوع وقول انت تعرف الشعور ده ولا لا ؟؟؟
يلا بــســــــرعــــــــة [ندعوك للتسجيل في المنتدى أو التعريف بنفسك لمعاينة هذه الصورة] مع تحيات " كبيرة المصرواية "
مـــــــــــونـــــــــــة
[ندعوك للتسجيل في المنتدى أو التعريف بنفسك لمعاينة هذه الصورة] 
موضوع: عارفين الشعور ده ؟؟ 
الثلاثاء نوفمبر 23, 2010 1:34 pm
