naglaa مـصـرواى عـلى قـد حـالـه
عدد المشاركات : 1 العمر : 43 تاريخ التسجيل : 02/03/2010 العمل : dr نقاط : 3 التقييم : 0
| موضوع: رباعيات الثلاثاء مارس 02, 2010 6:48 pm | |
| اجمل الاشعار بالعاميه المصريه
كــــــان فيه زمـــان اتنين حبيبين
بيحبوا بعض من وهــــما صغيرين
اتفرقوا سنين ولما اتقابلوا صدفه
ما حـد عرف الــتاني ده يبقى مين
وآه* * *
أه لـــــو أكــون حر نفسي
وأقـدر أعمل ما في نفسي
أنـــا كــــنت أول حــد أقول
يـــالا نفــــــسي يالا نفسي
وآه* * *
أوصـــــف ما توصــف مين يجـــــيـب
أو يرجـــــــع ليا من تــــاني الحـــبيب
وصف الأمل مش صعب ومـا أسهـله
لكن اللي صعب بجد الفراق يا طبــيب
وآه* * *
أنا اللــي يامـــا خــــد عـبر
ولكنه عــــــمره ما اعــتبر
وكأني عشت عمري كـــله
بجسم الــبشر وعـقل البـقر
وآه* * *
قـــــــاعد فــي عربيته الجــدع ورا الســــواق
يــبص عــــلى أهله واللي صـــابهم م الغــلاء
وكــــل ما يــــــــــشوف محـــتاج ينزله يــديله
ولا عمره نسـي أصله ولا عاش في الكـبرياء
وآه* * *
الكـــــارت ده فيه اسمي وكل أرقام تليفوناتي
وفيه كمــــــان عنواني وكل حاجه عن حياتي
رقم بطـاقتي.. تاريخ ميلادي.. النوع.. المهنه
يعني مش ناقص بس غير إنك تشوف طلباتي
وآه* * *
بطاقتي الشخصيه عايزها ليـه تبــص فيها
ولا عايز تعرف عني حاجه وتقــيس عليها
يهـــــــــــــــمك في إيه أنا إيه يكـــون ديني
ما دمـــت أنامصري وعايش وعاشق ليها
وآه* * *
ســـبع تــــــــــــيام بلياليـهم
ولا لحظه شفت النوم فيـهم
وعنــــــــــيا من كتـــر البكا
كرهـــت حبايبي واسـامـيهم
وآه* * *
مين مــــــنكم ليه لمعــــان ســـناني
ده عليــــها ياما طلعوا كتير أغــاني
اللــي يقول البت بيضا واللـــي يقول
آهـــــين وآه م اللولي اللي رمـــاني
وآه* * *
مـــا فــــي حد في الدنيـــــا عايش وراضــــي
ولــو كان مليـــونير أو فقير وجــــيبه فاضي
أبــــــــونا آدم من بـــداية الكون غلبه الطمع
وخــلاه يسيب الجنه وينزل يسكن عالأراضي
وآه* * ********************** | |
|