امثال شعبية غاية فى المرح وبجد هتضحك من قلبك

لما كانت المثال الشعبيه شىء اساسى فى حياتنا لما تعبر عنه من حكم ومواعظ ...هى

ومع تغيير الزمان اصبحت الامثلة الشعبيه بحاجه الاخرى للتحديث والتغيير واليكم الجديد :

من طلب العلا يتفضل فى كابينه 4

اللى بيته من إزاز ميغيرش هدومه فى الصالون

فاقد الشىء يدور عليه

اقلب القدره على فومها الفول يقع منها

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

قال يامحشحشين يكفيكوا شر الكمين

اللى ياكل لوحده يشبع

لاتبكى على اللبن فى البسكوت

اقطع عرق و حتة بتلو

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اللى يتلسع من الشوربه يتصل بالمطافى

وبكره ترجع ريما من عند خالتها فى مارينا

ياداخل بين البصله وقشرتها حط قطرة علشان هادمع من ريحتها

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

اللى مايشوفش الغربال يكشف نظر

نام وارتاح وكل عسل نحل التمساح

من خرج من داره مينساش يأخد المفتاح معاه

الباب اللى يجيلك منه الريح شيله وركب قبنورى

المضطر يركب التاكسى

رب صدفة خير من ألف ليلة و ليلة

اللى يخاف من العفريت يعمل عبيط

المركب اللى فيها رايسين يلعبوا طاولة

اللى خدتوا الأرعه تخدو ام الخلول

اللى ميعرفش يقول What

أكل العيش يحب الطعميه

العين عليها Lenses

قالوا للحرامى أحلف قالهم وحياة قلبى وأفراحوا

أمثــــــال عربيــــات النقــــل

ربنا يحميكى من الميكانيكى

الحلوة أسمها تفاحة للسفر والسياحة

الحلوة من حلوان وصاحبها راجل غلبان

الحلوة من دمياط وعليها أقساط

قصه كفاح مش جايه على المرتاح

متجريش ورايا .....راكبه معايا

متزمروش يابهايم السواق نايم :0:

بجد جامدة اوى

فى انتظار المزيد من ابداعتك يامان

مع شكرى وتقديرى لك ايها الغريب

جميل جمال يافنان
هو انت كنت طرشجى زمان

الله يرحم الى قالوا
الامثال الشعبية
بقيت طبيخ

السلام على من اتبع الهدى...... بجد عجبتنى جدا ..... تقبل مرورى

مرسى ليك كتير

بس بجد تحفه

» امثال
» صوتوا لأبــــو تــريكــة يلا (أستفتاء أكثر لاعبي العالم شعبية)
» ألم يتعب قلبك؟؟
» متى يموت قلبك ؟؟؟
» لمن تفتح قلبك؟؟؟